काठमाडौं। नेपालको पहिलो निजि आयुर्वेद औषधी उत्पादक, आरोग्य भवन वर्क्स प्रालीले आफ्नो स्थापनाको १०० वर्ष पुगेको अवसरमा ‘शताब्दी महोत्सव समारोह’ आयोजना गर्ने भएको छ।

आरोग्य भवन वर्क्सले पत्रकार सम्मेलन गर्दे यही चैत्र १५ गते स्थापनाको १०० वर्ष पुगेको अवसरमा ‘सताब्दी महोत्सव समारोह’ गर्न लागेको जानकारी दिइएको हो।

काठमाडौंमा आयोजित पत्रकार सम्मेलनमा आरोग्य भवन वर्क्सका अध्यक्ष सुबोध कुमार अधिकारीले परम्परागत बिधि बाट काठमाडौंको डिल्लिबजारबाट उत्पादन शुरु गरेको यस कम्पनी बिभिन्न उतार चडावका बिच निरन्तर १०० वर्षको यात्रामा धापासी हुदै हाल पाल्पाको तिनाउ गाउँपालिका झुम्सामा विश्व स्वास्थ्य संगठनको असल उत्पादन अभ्यास अन्तर्गत आधुनिक उद्यगबाट उत्पादन शुरु गरिरहेको जानकारी दिए।

कार्यक्रममा आरोग्य भवन वर्क्सका कार्यकारी निर्देशक सुमन पाण्डेले कम्पनीको ऐतिहासिक यात्राको जानकारी दिएका थिए। यसको स्थापना १९२५ मा शाही आयुर्वेदिक वैद्य शिवनाथ रिमाल र नरेन्द्रनाथ रिमाल द्वारा स्थापित आरोग्य भवन वर्क्स प्रा. लि.ले आयुर्वेदिक प्रणालीको प्रवर्द्धन गर्दै रोग उपचारका क्षेत्रमा उल्लेखनीय योगदान पुर्‍याउँदै आएको छ। सन् १९३० को दशकमा, तत्कालीन राणा प्रधानमन्त्री जुद्ध शमशेर जंगबहादुर राणा गम्भीर बिरामी परेका थिए, जसलाई शिवनाथ रिमाल द्वारा निर्मित औषधिको प्रयोगले निको पारिएको थियो। त्यसपछि उहाँलाई शाही आयुर्वेदिक वैद्य राजवैद्यको रूपमा नियुक्त गरिनुका साथै गोर्खा दक्षिण बाहु प्रथम श्रेणीको सम्मान प्रदान गरिएको थियो निर्देशक पाण्डेले जानकारी दिए।

कार्यक्रममा नेपालको पहिलो अग्रणी निजी आयुर्वेदिक कम्पनीले परम्परागत विधिलाई कायम राख्दै आधुनिक उद्योगको स्थापना गरेको तथा १०० वर्ष पुरा गरेकोमा अतिथिहरु आयुर्वेद क्याम्पस किर्तिपुरका क्याम्पस प्रमुख शिव मंगल प्रसाद, आयुर्वेद विभागका डा प्रकाश ज्ञवाली,  आयुर्वेद चिकित्सक डा श्रृजना श्रेष्ठ लगायतले शुभकामना दिएका थिए।

कम्पनीले हाल विभिन्न रोग उपचारका लागि कस्तुरी भुषण, कस्तुरादी चक्की, नवरस, तितेपाती तेल, अश्वगन्धा तेल, ब्रह्मी तेल, तुलसी हर्बल चिया, पिनासनाश तेल, संजीवनी, शिलाजीत, तपस्विनी बटी, पाइलोन ट्यावलेट, भिटेक्स ट्यावलेट र मेगाल्याक्स पाउडर जस्ता आयुर्वेदिक औषधिहरू उत्पादन गर्दै आएको छ।

आरोग्य भवन वर्क्स प्रालिले आइएसओ ९००१:२००८ तथा जीएमपी प्रमाणित उत्पादन प्रणाली अपनाएको छ। कम्पनीले कच्चा पदार्थको गुणस्तर परीक्षण, अत्याधुनिक उत्पादन विधिहरू, तथा सघन गुणस्तर परीक्षण प्रक्रिया मार्फत सुरक्षित तथा प्रभावकारी उत्पादनहरू उपभोक्तामाझ पुर्‍याउँदै आएको छ।

निजी क्षेत्रमा नेपालको पहिलो औषधि उध्योग आरोग्य भवनले आज (२०८२/११/१०) नेपाल सरकार औषधि ब्यबस्था बिभागबाट औषधि उत्पादन कुशल अभ्यास प्रमाणपत्र (GMP Certificates) प्राप्त गर्न सफल भएको छ। खुशीको यस अबसरमा हामी उध्योगमा कार्यरत सम्पुर्ण कर्मचारी, सन्चालक, थोक तथा खुद्रा बिक्रेता, स्वास्थ्यकर्मी चिकित्सक, शुभ चिन्तक तथा औषधि ब्यबस्था बिभाग परिवार तथा हामीलाई मार्गनिर्देशन र सल्लाह एबम सुझाब दिनुहुने सहृदयी मनहरुमा हार्दिक नमन एबम धन्यवाद ब्यक्त गर्दछौ। यो प्रमाणपत्र मात्र नभएर आयुर्वेद प्रतिको हाम्रो लगाब माया र प्रोत्साहन पनि हो जसले हामीलाई थप उत्तरदायी र जिम्बेवार बनाउने छ। जय आरोग्य। जय आयुर्वेद्।। 💐🙏🕉️